HIGH TEA @ HOME

一直都好想自己整個TEA SET,0係屋企HIGH TEA~~

構思左好耐...唔想整勁多野,但又想個TEA多款式!

今日終於完成左~平時自己去HIGH TEA就多,老公都未去過...所以今日我同佢一齊HIGH TEA!

早一日已經預備左幾款食物,仲加埋早前上堂學0既MACARON! FIT晒~:)

當然唔係所有野都自己整啦...有2款食物係買架...

等我同大家介紹下我0既TEA SET啦!!

首先第一層有上堂學0既海鹽焦糖馬卡龍,加埋買0既曲奇:P

第2層有牛奶布丁,布朗尼,仲有買返0黎0既芒果糯米茲

第3層就係三文治,菠蘿燒大蝦串,仲有SCON~今次0既SCON我整得扁左啲呀...好耐冇整過!但都好好味~~:)

另外仲整左一直都想整0既班尼迪蛋呀~~不過我地對ENGLISH MUFFIN麻麻,加上整3文治仲有方包剩...所以就改左用方包啦!

班尼迪蛋我都係第一次整,整3隻,得一隻係有少少流心效果...下次要再努力啦!!

本來仲想整荷蘭醬架...但失敗了!!見佢咁多牛油,都廢事再整~最後用左WASABI蛋黃醬代替!

用0黎配煙三文魚食~原來都好好好好味!!!!讚讚讚!!!

班尼迪蛋係親愛的LIYAN表姐教我整0既~

只要將一鍋水煲滾,然後加2茶匙醋入水中,將蛋打入碗中,然後用匙於水中快手打轉做成旋渦~再將蛋倒入旋渦中,然後煮2分50秒至3分鐘後盛起隔去水份就可以啦~~

我仲自己整左個特飲~~屋企有啲紅莓汁,我就加左罐梳打水,加左少少糖水,配埋新鮮菠蘿肉!! SO FRESH!

整一個TEA其實唔難~好簡單0既野配埋一齊就已經好靚啦! (最重要當然係個3層架啦!:P)