甜品畫@ATUM desserant

尋日生日,安排左一連串活動!真係非常緊迫~

首先去左國金軒@MIRA 任食點心,之後緊接就出銅鑼灣食ATUM desserant

我急不及待同大家介紹呢個甜品畫先,國金軒遲下再同大家講:)

甜品畫係早前見到有朋友去食,俾佢0既相吸引住!所以就拿拿聲去BOOK!

估唔到平日都咁FULL,本想BOOK夜晚,但已FULL! 得返下午1-3揀~所以就BOOK左2:30

食完點心就仆到去,上到去已經好FULL啦...如果冇BOOK位就真係唔洗食了

一坐落,我已被旁邊情侶點0既甜品畫吸引住,睇住個甜品師係咁加唔同甜品去"畫",好吸引!

但我地被安排到最角落0既位置,前排有兩部類似焗爐0既野,心諗兩部野阻住...一陣個甜品師點0係我面前畫呀?

之後,有位小姐就幫我地落單了!唔知係唔係見到我係咁望住旁邊0既甜品,佢就問"你會唔會都想叫佢地0個個呢?"

其實我都唔知點叫,所以就話好了! 基本上佢有好幾款款式俾大家揀0既~有D就一碟碟,有D就畫0既~ (原來我叫0個個叫Improvisation )

落ORDER後,就會送上WELCOME DRINK~今日0既係海鹽西瓜凍湯(我唔太SURE係咪咁叫...但就一定有呢兩樣野!)

過左陣,甜品師就0係我地面前鋪左塊膠墊,開始畫了! 佢會邊講解邊畫~如果你有咩唔鍾意食0既亦都可以同佢講,佢會配合返你0既口味架:)

最後就會0係你面前整分子雪糕啦!真係夠晒近距離~佢仲會放0係你面前俾你睇架!

放完個雪糕0係中間就完成啦~很美0既一幅甜品畫

甜品畫大致上包括GREEN TEA MOCHI,ORANGE JELLY,LIME MOUSSE,GREEN TEA MOUSSE...

個人認為味道唔係太特別,但就大開眼界!睇得好開心~

每款甜品都包兩杯飲品的:) 但我叫左個HOT FOREST FRUIT TEA,佢熱辣辣奉上!但隻杯係冇耳仔0既...熱到拎唔到...>

最後因為趕住去下一埸,所以飲左啲就走了~

埋單大約$360~聽就佢每個月都會CHANGE MENU! 所以都會好有新鮮感~而且SERVICE不錯啊! 可以一試:)

ATUM desserant : 銅鑼灣駱克道459-461號The L. Square 16樓