點心放題@國金軒

生日0個日除左去食ATUM DESSERTANT 之外,仲PLAN左去國金軒任食點心!

我地去左美麗華0個間~一早已經BOOK左位了!

因為係平日時間,所以唔係好多人~

我地今次試任食點心!呢個就係MENU,睇落款式都唔算太多

第一輪我地點左芋角,黑松露野菌餃,蝦餃同小籠包仲有個菜餃。

WAITER見我地兩個人,所以都幫我地安排每款2件先!

每款都熱辣辣送上啊! 小籠包皮夠薄,唔錯! 黑松露餃較清淡~

之後仲叫左春卷,蓮藕餅,蛋撻,蝦腸,咖哩魷魚,燒賣,咸水角

個人認為最好食係有蝦0既點心!蝦夠大隻同爽口! 另外酥皮蛋撻也不錯啊!!

不過就覺得腸粉每次最少都有3條就多左啲...我地兩個人食碟已飽飽! 加上佢有1/3 係腸粉款式,所以真係少左好多選擇!

最後叫左個楊枝金露,好好味!但由於趕去食甜品畫...只能食一個就算了...

總結: 服務同環境都好好!食物亦唔錯! 有機會0既話下次再去飲茶,試下其他特式點心!

價錢埋單加一加茶芥: 約$712 /2人